نئی دہلی،29/اگست (ایس او نیوز/ آئی این ایس انڈیا) اتر پردیش میں حکومت کی طرف سے جاری پرائمری اسکولوں میں طالب علموں کے لئے یوگا کو لازمی کرنے کے بعد یوگی آدتیہ ناتھ حکومت نے اگلے چھ ماہ کے اندر 1.5 ملین پرائمری اسکولوں میں داخلہ لینے والے 1.5 کروڑ سے زیادہ بچوں کے لئے بایومیٹرک مشین سے حاضری لگانے کا فیصلہ کیا ہے۔اتر پردیش کے بنیادی تعلیم کے وزیر ستیش درویدی نے اعلان کیا ہے کہ طالب علم اب صبح 8 بجے سے 1 بجے کے درمیان بایومیٹرک اٹینڈیس لگا سکتے ہیں۔ وزیر نے کہا کہ یہ مشین موجودگی کی تحقیقات کرے گی اور ڈراپ آؤٹ شرح کو نیچے لائے گی۔یہ خصوصیت فرضی داخلہ جیسی بے ضابطگیوں کی تحقیقات میں بھی مدد کرے گی۔درویدی نے کہاکہ ابتدائی اسکولوں میں طالب علموں کی تعداد بہت زیادہ ہے، اس لئے ہم نے اٹینڈیس لگانے کے وقت کو لچکدار رکھا ہے۔پنچایتی راج محکمہ بایومیٹرک کے نظام کومؤثر طریقے سے کام کرنا یقینی بنائے گا۔ اسکول کے ملازم بھی بایومیٹرک سسٹم سے اپنی حاضری لگائیں گے۔درویدی نے کہا کہ پنچایتی راج حکام کو ہدایات دی گئی ہیں کہ وہ صفائی اہلکا کی طرف سے ہر دن اسکول احاطے کی صفائی کو یقینی بنائے۔ بنیادی تعلیم کے سیکشن نے حال ہی میں آندھرا پردیش، گجرات اور دہلی میں بایومیٹرک اٹینڈیس ماڈل کے نفاذ کا مطالعہ کرنے کے لئے ایک ٹیم بھیجی تھی۔ایک اہلکار نے کہاکہ یہ اچھے نتائج دے رہا ہے۔